Ambo Ore Kelate..

1- Ari ni sero nok tulih kok bahaso ibundo ambo.bahaso kelate.payoh do'oh ore lua nok pehe bahaso aku nih.bakpo la.pah tu gak,dengar ore kelate gak pok-pok luar piki kok laen laluh.ore luar oyak,ore kelate nih suko puok-puok.kalu jupo gu kelate gak speaking jerman laluh.

2- Pah so lagi, ore luar piki ore kelate ni leba-leba,aling-aling. hok tu ambo suko la.pandange baik.sapo tok suko. tapi so jah ambo tok puah ati.bakpo la ore luar ni susoh sangat nok pehe bahaso ambo ni.pok-pok luar oyak bahaso kelate payoh.padahal lorak utara,jawa nga negei semile pehe jah.xdok dok komplen pon xpehe.xpehe sunggoh ambo..




3- Padahal ore kelate dale malaysia ni rato ritir.utaro,selate,saboh serawok ore kelate koktu kokni.luar negaro pon ore kelate ni rama jugok.pah so lagi wat ambo banggo,rama ore kelate hok bijok panda.pege jawate tinggi dale kerajae dok pun syarikat swasta.ore luar diri ngaku tuh.ore kelate ni bijok panda.

4- Pahtu gak ore kelate sekalie,ambo arap jange la dok wat peranga.ambo tahu,pok-pok kito ni pongoh-pongoh , gedebe belako.daroh tok janggut so sore.ambo banggo.tapi gak jange la sapa ore luar cop kito nih kure ajar,samseng.xsedak la kito denagr.

5- Tu la hok ore luar raso dale palo otok dio pasal ore kelate nih.padahal kalo pok-pok luar mari kelate xsey kelik.suko pok2 dio mari kelate.ore kelate baik-baik, hok tino gak comey-comey belako.hok jate gak ensem-ensem,ramah tamah.makane pon banyak,mace-mace ado.tepak kelo pon banyok.cumo so jah ambo arap ore kelate kito jago la kebersihe negeri kito.sebab ore luar oyak pok-pok kito ni kotor.cemar.nok wat guano,jame Abdullah Munshi pon oyak gitu jugok.tapi gak kito buleh uboh.demi kebaikan kito jugok.



6- Kito banyok tepak comey,menarik hok pelacong suko gi.kito ado pata irama,PCB hok soho,kito ado jere line,jere pasu,gunung stong.negeri kito kayo nga khazanah semulojadi.tepak beli beloh pon ado,bukit bugo, rata panje, kale kubor..pendek kato mace-mace ado la kelate ni.kito keno jago la.bia ko anok cucu kito buleh tengok sumo nih.

7- Ore kelate ni jak jame ritu lagi merantau tepat lain. tapi jiwo kelate tu tetap ado. lamo mano pong merantau bahaso ibunda tercinto - bhaso kelate- tok lekey,jupo jah ore kelate mesti kecek bahaso jerman. rama ore sohor dari kelate. jak dari jame ritu sapa ko loni.

8- Akhir sekali ambo arap ore luar hok baco blog ni, belaja-belaja la bahaso kelate.ore kato tok kenal tok cinta.jange gadoh oyak xpehe.bahaso kelate ni indah.ambo banggo jadi ore kelate.satu-satunyo dale dunio nih!!!!